რაღაცნაირი ბლოგი

სილამაზის სალონი ქვია მაგას ქალო  (c)  ენა და მამული

ცხოვრებისეული სიმუხთლეების გამო გუშინ მომიწია ე.წ. სილამაზის სალონში წასვლა. ცხოვრებისეული სიმუხთლე კი იმაში მდგომარეობდა, რომ ლელას დაბადების დღეზე უნდა წავსულიყავი და გავითვალისწინე შეძრწუნებული სახეები ოჯახში დილით ჩემი თმის დანახვისას .. დიდხანს ვიხვეწე- რა მოხდა, კიკინებით წავალ მეთქი , მაგრამ .. ჯერ ვიხეტიალე და მოგეხსენებათ ვარკეთილის მეტროს მიმდებარე ტეროტირიის გულუხვობა სალონების მხრივ, მოკლედ დავიბენი და რა პრინციპით ავარჩიე ეხლაც არ ვიცი. შევედი ერთ – ერთ სალონში. შესასვლელში სამი ახალგაზრდა მანდილოსანი იყო მოკალათებული, უხერხულად ვიკითხე- თმის დავარცხნა მინდა და…სამივემ ერთმანეთს უკმაყოფილო სახით გადახედა და ერთ-ერთი ჯიჯღინით ადგა სკამიდან და “იქ დაბრძანდიო” მითხრა. კაი ბატონო, დავბრძანდი.. ისეთი გრძნობა მქონდა , მეგონა სისხლის ანალიზის ასაღებ (მაგის ფობია მჭირს, არადა ამ დღეებში მომიწევს :უსერ:) სკამზე ვიჯექი,თუმცა აქვე გამახსნედა, რომ სისხლის ანალიზის აღებას არავითარი სპეციალური სკამი არ ჭირდება და შესაბამისად ჩემი ილუზია სკამის თაობაზე უბრალოდ თვითგვემის სურვილი იყო. მოვეშვი დესტრუქციულ აზრებს და მორჩილად დავჯექი. არანაირი პრეტენზია არ მაქვს მოუხეშავ მომსახურე პერსონალთან, სხვათაშორის დავაკვირდი, თავიდან შენ უნდა გაუღიმო და მერე თვითონაც გიღიმიან უპრობლემოდ. ამიტომ ვეცადე ეს გოგო კეთილგანმეწყო (:D) ჩემს მიმართ და თავისთავად ბანალური ფრაზით ” გული არ გაგისკდეთ ჩემს თმაზე, ფაქტიურად არ ვუვლი”- მოვულბე გული. (ფაქტიურად არ ვუვლი- რა რბილად ნათქვამია..)ამ მთელი ფრაზის თქმა კი იმიტომ დამჭირდა, რომ ერთი საათი სინჯავდა ჩემი თმის სისქეს. მოკლედ, გავუღიმე-გამიღიმა და შეუდგა საქმიანობას. მგონი ძალიან გულთბილი გაღიმება მომივიდა და ცოტა ხანში რამის შემაღლებულ ადგილას დამაყენა და ისე დამცინა :
“თმა შენით გაქვს შეჭრილი ხო”- უი, შეამჩნიეთ?..ნუ.. მარტო ფჩოლკა
“რითიც იბან ის შამპუნი აშკარად არ უხდება შენს თმას”- ხო, გამოვცვლი (გულთბილობა უხერხულ ღიმილში გადამეზარდა)
დამთავრებისას ამოიოხრა – მოვრჩიო და დაყარა იარაღი :lol: გაუმკლავდა ჩემს თმას.. არადა რა ვითომ , რა ისეთი თმა მაქვს. ვაღიარებ, არასწორად შეჭრილი მაქვს , მაგრამ მეტი ისეთი არაეფრი.. ნუ.. სტრანნია ვითომ? წინ ძალიან შავად გადავიღებე ამასწინად,დედაჩემს მორჩა ცოტა საღებავი და ხომ არ გავაუქმებდი- ოჯახი ხრამია, არ იცი რა დროს რა დაგჭირდება… თუ ეგ სხვა ტექსტია :სპყ: მოკლედ, ამჯერად თმა გამოიყურება: ღია ყავისფერია უკან, წინ კიდევ ძალიან მუქი შავი . ჩემი ბუნებრივი (ასევე ძალიან მუქი შავი) ფერი უკვე მემჩნევა ისე ძირებიდანაც, გამეზარდა.

ეს გადახვევა…თავისებურად…შევათვალიერე სარკეში თმა და ნუ, ისეთი არაფერი, უბრალოდ დილანდელივით აჟიტირებული აღარ ჩანდა :უსერ: … მაგრამ , ამიერიდან რაც არ უნდა იყოს, მე და ჩემი თმა ძველი რიტმით ვაგრძელებთ ცხოვრებას , არ ვიცი მე ვიღაცის შეძრწუნება და ა.შ. ჩემი თმა ჩემია !

No Responses to “სტუმრად საპარიკმახეროში”