რაღაცნაირი ბლოგი

ერთი კვირის წინ მე და მიშა ვლაპარაკობდით ჩემს არეულ ინტერესებზე. ბანალური ფრაზაა, მაგრამ მართლა რამდენი წელია დავეძებ და ვერ მიპოვნია ჩემი თავი.. თავიდან გადავწყვიტე ტოლერანტობისთვის მიმეძღვნა თავი [:D], მერე დავიღალე ცოტა არ იყოს უაზრო ბრძოლებით და გადავწყვიტე ბედს შევგუებოდი და ხელოვნებათმცოდნეობაში მეპოვნა რამე საჩემო, მერე მივხვდი, რომ ამით ვერ დავკმაყოფილდებოდი და სოციოლოგიაში ვცადე ბედი [მაგისტრატურისთვის გადაიდო ეს], მერე უნივერსიტეტში არაორგანიზებულობის გამო ბაკალავრიატში სოციოლოგიის რამოდენიმე საგნის აღების იმედიც დავკარგე..მთელი ამ პერიოდის მანძილზე კიდევ ვიოლინოს ხან ვუბრუნდებოდი, ხან ვშორდებოდი.. მოკლედ, ლაპარაკისას დავადგინეთ, რომ ინტერესების არევა ბევრ რამეში უკან მწევს.  არადა ზუსტად ახლა იმდენ ადგილას ვარ საჭირო! მე კიდევ იმის მაგივრად, რომ გამოვიყენო ჩემი შესაძლებლობები, უკანა პლანზე ვამჯობინებ ყოფნას და შორიდან ვაკვირდები მოვლენებს. გამიელვებს თავში იდეა და მერე მიქრება ისევ. მუხტი არ მყვება დიდხანს. დაახლოებით ერთი თვის წინ მიშამ თავის დაარსებული ორგანიზაციის ერთ-ერთ შეხვედრაზე დამპატიჟა.  მახსოვს, შეხვედრიდან მაგარი ანთებული გამოვედი- აი მე ამ საქმეს მივხედავ, ამას ვიზამ, იმას ვიზამ.. :D გავიდა ერთი თვე და რა ვქენი? ვერც ვერაფერი.. არადა რა მაგარი რამეა! აი ახლა, ავდგები და ვიზამ იმას, რაც დიდი ხნის წინ უნდა მექნა! გაგაცნობთ ამ მართლა მნიშვნელოვან ამბავს: 

მიშა ცოტა ხნის წინ შვეიცარიაში სწავლის დროს დაესწრო  Michael Wallas-ის ლექციას. ეს ადამიანი არის World Student Christian Federation [ WSCF ]-ის გენერალური მდივანი. WSCF ყველაზე დიდი ახალგაზრდული ეკუმენური ორგანიზაციაა მსოფლიოში.  ლექციის შემდეგ მიშა ესაუბრა ამ ადამიანს და გამოთქვა სურვილი, რომ wscf-ის ნაცნიონალური წარმომადგენლობა, ანუ იგივე SCM [student christian movement] ყოფილიყო საქართველოში.შარშან, ნოემბერში ოფიციალურად გააფორმეს საქართველოს ქრისტიან სტუდენტთა მოძრაობა, იგივე Georgian Student Christian Movement [GSCM] .

როცა მიშა მიყვებოდა ამ ორგანიზაციის შესახებ, პირველი, რაც მომეწონა ის იყო, რომ ზუსტად განსაზღვრული მიზნები და ამ მიზნებისკენ მისაღწევი გზები უკვე ნათლად ქონდათ განსაზღვრული. მერე რაც მომეწონა, თავისთავად თვითონ  მიზნები იყო:

• საქართველოში შექმნილ რელიგიურ ფონზე ახალგაზრდობის ერთობის შექმნა, რომელიც მიმართული იქნება ეკუმენური ფასეულობების დანერგვისაკენ
• ტოლერანტული გარემოს შექმნა
• ახალგაზრდებს შორის ინფორმაციის მაქსიმალური გაცვლა-გამოცვლა რელიგურ და არა მხოლოდ რელიგიურ საკითხებზე

• ინტერრელიგიურ დიალოგში წვლილის შეტანა

პრიორიტეტები:

• სოციალური საქმიანობა
• გარემოზე ზრუნვა
• თეოლოგიური განათლება
• ადამიანის უფლებების დაცვა
• ეკუმენური ურთიერთობების გაძლიერება, მაგალითად სხვადასხვა ეკლესიებში მისვლა, თანალოცვა და ა.შ
• ახალგაზრდების ერთად თავმოყრა მთავარი მიზნისთვის..

ამ რამოდენიმე თვის მანძილზე GSCM-ის ეგიდით ჩატარდა უკვე რამოდენიმე შეხვედრა. ერთი ბაპტისტურ ეკლესიაში, ერთი კათოლიკურში და ერთიც ლუთერულში. უახლოეს მომავალში სომხურ სამოციქულოშიც იქნება.. შეხვედრას ესწრებიან კათოლიკეები, ბაპტისტები, მართლმადიდებლები, ლუთერელები და ა.შ.

აუ და ყველაზე ძალიან რაც მომეწონა- ჰაიკები! მთებში სიარული :ლოვე: ერთი ჰაიკი მოუწყვიათ უკვე, სამწუხაროდ მე გვიან მოვდივარ ხოლმე აზრზე :E

ხოდა რამ გამიხსნა ახლა ასეთი მუზა.. კავკასიურ სახლში იმ დისკუსიის მერე ისედაც დიდად შემიპყრო ჩემს ფესვებთან დაბრუნების იდეამ :E  ფესვები- ღრმა ბავშვობის იდეალი ტოლერანტობა! ნუ არც ისე ღრმა ბავშვობის, ყველაზე აქტიური და შედეგიანი ბრძოლები პირველ კურსზე მქონდა :D  ხოდა ამ ორგანიზაციას და იქ მყოფ ხალხს რომ ვუყურებ [უმეტესობა ჩემი მეგობარია] სულ მინდება, რომ მეც ვაკეთო იგივე- არა მაყურებლის პოზიციიდან. აი ამიტომაც შემომეწერა  თვალსა და ხელს შუა ამხელა პოსტი : )) ახლა ფეისბუქზე პეიჯი გავაკეთე და ვისაც ჩემსავით და ჩვენსავით ასე სჯერა, რომ რამეს მოახერხებს და რამე წვლილს შეიტანს ტოლერანტობის და ეკუმენიზმის  თითო თითო აგურის დალაგებაში, შემოგვიერთდეს : ))

http://www.facebook.com/group.php?gid=90810818171&ref=nf

:ჩემთვის უჩვეულო პათოსიანი პოსტი: :ლაიკ ით:

13 Responses to “GSCM”