რაღაცნაირი ბლოგი

რა მნიშვნელობა აქვს რისი თქმა მინდოდა, მთავარია, რომ უფლება მქონდა

არტურ შოპენჰაუერი

ტელევიზორს იშვიათად ვუყურებ ხოლმე, მაგრამ გუშინ “წითელი ზონის” თემამ დამაინტერესა და მოვკალათდი ტელევიზორთან.

“მთავრობა”  ერქვა გადაცემას და მოწვეულები იყვნენ ე.წ. “ახალი თაობის პოლიტიკოსები”, ანუ ისინი, ვინც ასაკის გამო ნაკლებად არიან საბჭოთა მემკვიდრეობის მატარებლები. სტუმრები იყვნენ ბაკურ კვეზერელი და გოგა ხაჩიძე. გოგაზე მინდა გავამახვილო ყურადღება პოსტში..

მახსოვს,  მინისტრად რომ დაინიშნა, ავტობუსებიდან მოყოლებული (ეს უკანასკნელი საუკეთესო ადგილია საზოგადოებრივი აზრის გასაცნობად :D ), უნივერსიტეტით დამთავრებული, ყველგან მესმოდა- “ეს ვინ დანიშნეს მინისტრად” , “მაგან რა უნდა გააკეთოს, მომღერალია” და ა.შ.  მოკლედ, ყველას ახსოვს ჯგუფი “სახე”

(ვისაც არ ახსოვს, მათთვის ეს “ვაი ვიდეო”, უკეთესი ვერ ვიპოვნე, არადა ამ სიმღერაზე უუკარგესი კლიპი იყო გადაღებული

გარდა ამისა, შეიძლება ახსოვთ (მე არ მახსოვდა და გუშინ ძალიან ვიხალისე) გადაცემა “პარანოია” ტელეკომპანია “იბერვიზიაზე”:

პარანოიიდან კადრები,რაც ეთერში გავიდა იხილეთ ამ ლინკზე, ოღონდ რამდენიმე წამით ადრე არის ეს ლინკი, მაგრამ დაელოდეთ :D

http://www.myvideo.ge/?act=dvr&chan=gpb&seekTime=09-01-2010%2000:34

მოკლედ, გოგას იმიჯი იყო საზოგადოებისთვის რაღაცნაირად არასერიოზული. რადგან: თუ ხარ თავისუფალი, თუ შენ განსხვავებული ტიპის აქტივობას ახდენ (თანამდებობასთან მიმართებაში), ამ საბჭოთა ნაშთების თანახმად, გიყურებენ, როგორც არასერიოზულს და შერეკილს. თვითონ გოგამ თქვა, რომ ხშირად წამოუძახებიათ პოლიტიკურ დებატებში- შენ ხომ მომღერალი იყავი და ა.შ.

რომ ვისმენდი ხოლმე ამ საზოგადოებრივ აზრებს, ძალიან მინდოდა მცოდნოდა რა ალაპარაკებდათ, რა იცოდნენ რა შეუძლია სინამდვილეში ამ ადამიანს და რატომ არ ითვალისწინებდნენ, რომ ეს უბრალოდ მისი შემოქმედებითი მხარე იყო, რაც არანაირ კავშირში არ არის საქმიანობასთან. ახლა წარმოვიდგინე, როდისმე რომ დიდი პოლიტიკოსი გავხდე (ლოლ ) და ვიღაცამ ჩემი ბლოგის არქივში ნახოს, როგორ ვწერ ჩემს პირადი ცხოვრების ძალიან პირადულ დეტალებს  და წამომაძახოს, ან ნებისმიერი ის, რასაც ახლა ვაკეთებ.. ხომ ავფეთქდი და გავანადგურე :D

რა თქმა უნდა, მალე მიმავიწყდა ეს ამბავი, რადგან ნამდვილად არ ვარ ასე პოლიტიზირებული და გუშინ რომ ამ თემამ წამოიწია, გამიხარდა და მივეჯაჭვე ტელევიზორს. გოგამ ძალიან საინტერესოდ ილაპარაკა.

თქვა, რომ მორალი არ არის მყარი კრიტერიუმი, ამის გამო შეიქმნა კანონები! თუ ამ კანონებზე ზღვარს არ გავავლებთ, მერე აღარ უნდა გაგვიკვირდეს, რომ ვიღაცა პრეზიდენტზე იტყვის “როგორ იცინის”, ვიღაცა გაგვაკრიტიკებს ჭამის მანერაზე და დავა მარაზმამდე ყველაფერი (უკვე დასულია ავტ.შენიშვნა:D) . მორალზე აგებული საზოგადოება ძალიან ძნელიაო..

მოკლედ, ამ ყველაფერმა გამოიწვია, რომ მას გაუჩნდა ფილმის გადაღების სურვილი. ციტირება მისი სიტყვებიდან:

“ეს ყველაფერი ჩემში იწვევს სურვილს, რომ კონსტიტუციის ფარგლებში შოკი მოვაწყო”

რა თქმა უნდა, იმ ყველაფერზე ნაფიქრი ქონდა, თუ როგორ გაიგებდა ამას საზოგადოება, ვისი მხრიდან რა რეაქცია მოყვებოდა. იცოდა, რომ ბევრ რამეს წამოაძახებდნენ,  ამის გამო გადაცემაში თავი დაიზღვია და თქვა, რომ ფილმის გადასაღებად ზუსტად 30 წუთი და 20 ლარი დასჭირდა (კასეტის საყიდლად: D )

რაც შეეხება კონსტიტუციის ფარგლებს,

საქართველოს კონსტიტუციის 81 პრიმა2 მუხლის მე-4 პუნქტის თანახმად:

“მთავრობის წევრს უფლება არ  აქვს ეკავოს სხვა თანამდებობა, გარდა პარტიულისა, დააფუძნოს საწარმო, ეწეოდეს სამეწარმეო საქმიანობას, იღებდეს ხელფასს რაიმე სხვა საქმიანობებიდან, გარდა სამეცნიერო, პედაგოგიური, შემოქმედებითი საქმიანობისა“

ასე რომ, მთავრობის წევრს შემოქმედებითი საქმიანობის უფლება აქვს, თანაც ისე, რომ ამაში ფულის აღებაც შეუძლია:P

საუბრის ბოლოს დაიწყო ფილმის ჩვენება. ფილმს ქვია “LOADING CONTENTS“. სიმართლე გითხრათ, ძალიან სუნთქვა შეკრული ვუყურებდი  მთელ ფილმს. შეიძლება თქვათ “დიდი არაფერია”-ო, მაგრამ თუ გავითვალისწინებთ ყველა კონტექსტს (ანუ ის, რომ მინისტრია, ისაა და ესაა), სტერეოტიპების ფონს და მსგავს რამეებს, ფილმი არის ძალიან მაგარი! რჩევა- უყურეთ :

http://www.myvideo.ge/?act=dvr&chan=gpb&seekTime=09-01-2010%2001:13

რა მნიშვნელობა აქვს რისი თქმა უნდოდა, მთავარია, რომ უფლება ქონდა! :)..

14 Responses to “LOADING CONTENTS”