“ოპერაცია ცხვირი”,ანუ ცხვირის ოპერაცია(Part I)

მაშ ასე, იწყება ახალი და  იმედი მაქვს, ერთჯერადი რუბრიკა “ოპერაცია ცხვირი”. ახლა, რაშია საქმე – დიდი ხნის წინ გადავწყვიტე ცხვირის ოპერაცია (ჯერ კიდევ ბავშვობაში, yep), პოსტიც მქონდა ამის შესახებ, მაგრამ რასაც ქვია დღის წესრიგში დადგომა, ნახევარი წლის წინ დავიწყე გეგმვა და აშკარად დიდი დრო დამჭირდა პირველ და მთავარ ნაბიჯამდე- კონსტულტაციაზე მისვლამდე. არ ვიცი მე ვაჭიანურე, თუ რა მოხდა, მაგრამ ფაქტია, ხან რამ შემიშალა ხელი, ხან რამ. დღეს კიდევ მივხვდი, წინასწარ რომ ვყოფილიყავი საფუძვლიანად დაკვალიანებული და შემზადებული, აქამდე შვიდჯერ მექნებოდა გაკეთებული ცხვირი :D

ხოდა გადავწყვიტე ბლოგზე დაწვრილებით მოვყვე მთელი პროცესი კონსულტაციიდან დაწყებული იქამდე, სანამ  შეხვევებსაც არ მოვიხსნი. იქნებ ვინმე ჩემნაირ დაბნეულ-მორიდებულს  გამოადგეს :))

კლინიკის და ექიმის შერჩევაზე ბევრი არ მიწვალია. დოდკას და გვანცას რეკომენდაციით მეცხრე საავადმყოფოში, გია ოდიშვილთან ვარ. პარასკევს  მქონდა პირველად კონსულტაცია.

სანამ კონსულტაციაზე მივედი ჩემი დამემართა, გული ხელით მეჭირა. რაზე ვნერვიულობდი არ ვიცი, მაგრამ ყველაზე მეტად მაინც იმაზე ვღელავდი როგორი აღმოჩნდებოდა ექიმი. საავადმყოფოებს ვერ ვიტან. თან რომ მივედი, მივიხედ-მოვიხედე სანამ ველოდებოდი და ზოგი თავშეხვეული, ზოგი ყველაფერ შეხვეული, ყველა შეწუხებული სახით დავინახე, ლამის გამოვიქეცი. მაგრამ კაბინეტში როგორც კი შევედი და ხმა ამოიღო გიამ, მოვეშვი. ძალიან ძალიან კარგი ვინმეა, უშუალო.

მისი კაბინეტი არის მესამე სართულზე, 313. სანამ შეხვალთ ქვითარი უნდა აიღოთ მეორე სართულზე ( კონსულტაცია ღირს 20 ლარი). ქვითარი რომ წინასწარ უნდა ამეღო ეგ არ ვიცოდი და მამა გავიდა გადასახდელად, სანამ დაბრუნდა ჩვენ პატარა გასაუბრებაც მოვასწარით- სად ვსწავლობ, სად ვმუშაობ…ლაპარაკ-ლაპარაკში უფრო კარგ ხასიათზე დავდექი. ექიმებთან ისეთი ცუდი დამოკიდებულება მაქვს, პატარა გადაბრუნებული რამე, რაც არ მომეწონებოდა და ფეხს დავკრავდი გამოვიქცეოდი.

კონსულტაცია რა მეგონა არ ვიცი, მაგრამ რაღაც შესამოწმებელი ხელსაწყო რომ წამოიღო ჩემი ცხვირისკენ, ხელი დავუჭირე ინსტიქტურად, ისე შემეშინდა. აქვე თვალწინ გამიარა კადრებმა, თუ რა შეიძლება მომივიდეს ადგილობრივი ანესთეზიის შემთხვევაში ჩემკენ მომართული საოპერაციო ხელსაწყოების დანახვისას. თან ხმებს იგებ გაჭრისას და ბრრ

უბრალო დათვალიერებისთვისაა  სინამდვილეში ეს ხელსაწყო. შედეგად აღმოჩნდა  გამრუდება, სუნთქვაში ხელის შემშლელი სხვათაშორის და ასევე დაიბადა კითხვა, ბავშვობაში ხომ არ  დაცემულხარ ცხვირით სადმეო :D მერე დედამ გაიხსენა, როგორ გავთხარე ცხვირ პირით  მიწა პატარა რომ ვიყავი..
მდგომარეობის დათვალიერების მერე მითხრა, რომ მიიღე გადაწყვეტილება ნამდვილად იკეთებ თუ არაო. თუ კი, მაშინ  ის გადაწყვიტე ადგილობრივი ანესთეზიით, თუ ნარკოზითო. ვინაიდან თვითონ ოპერაცია გადაწყვეტილია, დრო რომ არ დამეკარგა გამიშვა ფოტოგრაფთან, რომელიც მოღვაწეობს ჭავჭავაძის 22-ში მდებარე არკაში და ჰქვია ხაჩიკა :D  რატომ ხაჩიკა? იმიტომ, რომ აქვს ზენიტი და იღებს შავ-თეთრ არაპრიალა სურათებს, რაც იდეალურია გია ექიმისთვის სამუშაოდ. ეს პრიალა სურათები რომ მოაქვთ, ვერაფერს ვერ ვაკეთებო მითხრა.( სურათები ჯდება 12 ლარი). ორშაბათს დილით იქნება მზად.

რაც შეეხება ანალიზებს, ოპერაციის წინა დღეს გავიკეთებ. ამიტომ მერე მოვყვები რა და რა ანალიზია საჭირო. ერთი ის ვიცი, რომ ანალიზიდან ერთ კვირაში თუ არ გაკეთდა ოპერაცია, ახალი ანალიზებია საჭირო. მოკლედ, ორშაბათამდე უნდა გადამეწყვიტა ანესთეზიის საკითხი, მაგრამ სანამ პოსტის წერა დავამთავრე (პარასკევს ვწერდი), ექიმის რეკომენდაციით ჩემნაირი სუსტი ნერვების მქონესთვის ადგილობრივი ანესთეზია წარმოუდგენელია. ასე რომ ნარკოზი გამარჯობა.

ხვალ დილას გამოვიტან სურათებს, მივალ და ვეტყვი, რომ მე, თინათინ ოსეფაშვილი, თანახმა ვარ ცხვირის გამოსაცვლელად სრული ნარკოზით, რომელიც ძალიან მაინტერესებს როგორია და წესით ოთხშაბათს უნდა ამოვყო საოპერაციოში თავი. მთავარია სურდო არ შემომეყაროს იქამდე…
აი plastica.ge-დან გადმოვაკოპირებ ზოგად ინფორმაციას:
ზოგადი ინფორმაცია

ოპერაციის წინ

1) კონსულტაცია
* გამოკვლევები
* ფოტო მოდელირება
2) მკურნალობის ტაქტიკის არჩევა:
* კონსერვატორული
3) ცხვირის ფორმის შეცვლა ცხვირის პლასტიკა (რინოპლასტიკა) ოპერაცია:

* ცხვირის ძგიდის პლასტიკა (სეპტოპლასტიკა) სუნთქვის სრული აღდგენა.
* ცხვირის ნიჟარების კორექცია – სუნთქვის სრული აღდგენით.
გაუტკივარება
* ადგილობრივი
* ზოგადი (ნარკოზი)
ოპერაცია
* დახურული მეთოდით
* ხანგრძლივობა 30 წთ-დან 60  წთ-მდე.
ოპერაციის შემდგომი რეაბილიტაცია
* შეშუპება თვალების ქვევით 7-10 დღე.
* თაბაშირის ნახვევი 7-10 დღე.
* საბოლოო შედეგი 3 თვის შემდეგ, როცა გაივლის შეშუპება ცხვირის წვეროსა და ზურგზე.
* დაკვირვება 1 წელი
შედეგი
* ცხვირის ფორმა მიახლოვებული იდეალურთან.

* ქირურგიული

დახურული მეთოდით (უპირატესობა ნაწიბურების არ არსებობა, რადგან განაკვეთები კეთდება ცხვირში შიგნიდან)

* სუნთქვის სრული აღდგენა.

Comments

comments

26 Responses to “ოპერაცია ცხვირი”,ანუ ცხვირის ოპერაცია(Part I)
  1. taKo პასუხი

    ზოგი ყველაფერ შეხვეული, მომეწონა :D:D:D:D

  2. მარი პასუხი

    wow, ყოჩაღ თინი, რა გაბედული ხარ. ისედაც ძლივს ვსუნთქავ ამ ცხვირით, მაგრამ სულ რომ ვეღარ ვისუნთქო, შიშით მაინც ვერ შევაკარებ ფეხს საოპერაციოში. აბა შენ იცი :*

  3. ლილიანი პასუხი

    ვააახ მეეე!! თინიიი!!! აუ რა საინტერესოა ახალი ცხვირიანი შენ ^_^

  4. sun_waiting - Veko პასუხი

    გია გვარამიას “ესთეტიკ-სერვისი” – როცა ჩემი დრო მოვა მხოლოდ მას ვანდობ თავს.

    იმიტომ, რომ ზუსტად ვიცი როგორი შედეგიც მექნება, – ეხლა ჩემ თვალწინ მიმდინარეობს ოპერაციის შემდგომი პროცესი, 1 კვირის გაკეთებული ცხვირია და ჯერ არ ტკენია არაფერი.

    ასე რომ, გვარამია <3.

    +ვერ ვიტან ეგეთ სახალხო საავადმყოფოებს.

    წარმატებები : )))

    პ.ს. ნუ გეშინია, მე ჯერ კიდევ მძაფრად მახსოვს რაც უნდა გადაიტანო :D ასე რომ დამიჯერე, არ უნდა ინერვიულო ))

    ხო, და აუცილებლად ნარკოზით გაიკეთე ^_^

  5. Shabdub პასუხი

    aba shen ici :* eg kaci mec miqes tavis droze kvelaferi iqneba krgad. ^_^

    gvaramia <3 <3 <3

  6. სიყვარულოვნა პასუხი

    წარმატებები თინი <3

  7. ილია პასუხი

    მომენატრება ძველი თინი :ს

  8. piccolina პასუხი

    თინი, პირობა დადე, რომ ცხვისი შემდეგ კბილებს მიხედავ!!!
    საჯარო პირობას მოვითხოვ

  9. ninucaelectro პასუხი

    წარმატებები.. ანუ ხვალ იკეთებ წესით ხო?! აუ მეც ძაან მაგრად მეშინია ეგეთი რაღაცების, მაგრამ ოდესმე რომ გავიკეთებ ცხვირის პლასტიკას ნამდვილად ვიცი.. (მომიწევს) მეც გატეხილი მაქვს ბავშვობაში სარდაფის თორმეტი კიბე რო ვოგორავე ცხვირით, მაგის ბრალია ალბათ. :დ შენ იცი თინი, მაგრად დადექი. :
    :*

  10. Dissolved Girl პასუხი

    ვინც ცხვირის ოპერაციას იკეთებს ჩემს თვალში ყველა გმირია
    წარმატებები :)

  11. KeTa =]] პასუხი

    თინი არ ინერვიულო მე მაქ გაკეთებული ნარკოზით ოპერაცია .. რო გაიღვიძებ რაღაც ბოდვას დაიწყებ სისულელებზე .. მაგალითად მე თურმე ‘ვიღაცა კაცი მირბოდა და იმას მივყვებოდი” : DD მოკლედ ადგილობრივს ჯობიაა ბევრად .. :დდ

  12. soop პასუხი

    ნარკოზით ჯობია თიინ,არანაირ ბოდვას არ დაიწყებ სისულელეა,მე გავიკეთ თოდუას კლინიკაში ახალი ტექნოლოგიით თვალიდან, საერთოდ ვერევინ ვერ მამჩნევს პლასტიკა რომ მაქვს გაკეთებული…შენ იციიიიი.წარმატება ცხვიირსს :D:D:D

  13. თინ პასუხი

    მაინტერესებდა , ამბები :) კარგია რომ დაწერე ეს პოსტი :* წარმატებები თინ , მოუთმენლად ველი იცი ? :დ მაინტერსებს როგორი იქნები :)))

  14. Tiny პასუხი

    მადლობა ყველას <3

    ხვალ ანალიზები და მერე მოვყვები მეორე ნაწილს:))

  15. მეცმიყვარხარ პასუხი

    თინი, ახალი ცხვირი რა მაგარია, მთელი ცხოვრებაა მინდა ოპერაციის გაკეთება, მაგრამ ვერ ვბედავ , სასტიკად მეშინია :) წარმატებები :*

  16. Tiny პასუხი

    მადლობა:*

  17. ია პასუხი

    გია ოდიშვილის საკონტაქტოს ხოვერ მეტყოდით ? კონსულტაციისთვის წინასწარ ჩაწერა არის საჭირო თუ არა? მადლობთ

  18. Tiny პასუხი

    http://plastica.ge/ge/contact.htm – აქ წერია საკონტაქტო :) არა,მე არ ჩავწერილვარ,პირდაპირ მივედი

  19. ანი პასუხი

    კითხვა მაქვს ასეთი….მე გავიკეთე ოპერაცია 3 თვეა…თვალებს შორის მაქვს ამობურცული მაგარი… ხელს რომ ვიდეფ gamagrebulia….არ ვიცი ექიმს ვეკითხები და მეუბნება: ეს დაჯდება,მაგრამ , შენ თუ არ მოგწონს მე შენ ამას გაგიქლიბავ..ვერ გავიგე ეს ჩემი ცხვირი შეშის ნაჩერია თუ…არ ვიცი ეს ოპერაცია უშედეგოა თუ დაცხრება? გეხვეცებით ვისაც გაგიკეთებიათ ოპერაცია დაცერეთ გავიგო რა მელის….პ.ს მე გავიკეთე ძგიდე და პლასტიკა ერთად!

  20. Tee პასუხი

    mec shennairad simagre mqonda da chemma eqimma xelit chamisvaa. dzalian gtxovt momweret 25ivlis gavikete operacia da tabashirs rodidan momxsnian?

  21. Leave me alone პასუხი

    თვალებს შორის ცოტა ამობერილი მე ცხვირი ვიცი :) ეს რა თქმა უნდა ხუმრობით ანი და რაც შეეხება შენს პრობლემას როდესაც ძვალი ტყდება შეხორცების ადგილას იკეთებს ნაწიბურს შესაბამისად ეგ უნდა იყოს, გაქლიბვას რაც შეეხება შეშის ნაჭერი არ ხარ მაგრამ ქლიბი უეჭველი გინდა და არამგონია ეგ თავისი გაგიქრეს ეგ უკვე ძვალია და თავისი ნებით წამსვლელი არსად არ არის, 3 ჯერ მაქვს ცხვირის ოპერაცია გაკეთებული, და მე თუ მკითხავთ ძალიან მაგარი რაღაცაა რომელი საუკუნეა რაღა დროს ტკივილის შეგრძნებაა ისეთ კაიFსი გაგისვებენ ჩხვირის კი არა ცოვრებას დაიკიდებ ფეხებზე მხიარული 45 წუთი გელოდებათ :))))))))

  22. ანნა პასუხი

    მე გავიკეთე გია ოდიშვილთან ცხვიირს ოპერაცია , ჯერ ძგიდე ,3 თვის მერე პალსტიკა.. ჯერ არ მომიხსნია თაბაშირი. ძგიდე უნარკოზოდ გავიკეთე , ანუ ადგილობრივით. და პლასტიკა ნარკოზით,ანესთეზიით მინდოდა პლასტიკურიც მაგრამ პულსი მაღალი მქონდა და ნარკოზი გადაწყდა ჩემდა სამწუხაროდ, რადგან ნარკოზის შემდეგ ვიცოდი რომ დასუსტებული ვიქნბეოდი, დამეძინებოდა და ასე შემდეგ.. (არანაირად მტკივნეული არ არის უნარკოზოდ ოპერაცია. )რაც შეეხება ოპერაცისს შემდგომ პერიოდს რთულია მაგრამ მე ფეხზე დავდიოდი 2 საათში ნარკოზის შემდეგ, როცა გავიღვიძე. ცხვირი არ მიანხავს ჯერ და დარწმუნებული ვარ მომეწონება, ვენდობი ექიმს ..

  23. გოგა პასუხი

    თუ ძგიდეს არ ეხებიან ოპერაციის დროს, დაახლოებით რა ფასებში მერყეობს ფასი?
    ანუ რამდენადაც ვიცი რინოპლასტიკა ქვია მაგას ძგიდის ჩატეხვის გარეშე რო აკეთებენ ოპერაციას… ფასები მაინტერესებს მაგ რინოპლასტიკის საშUალო :შ

  24. ანნა პასუხი

    1500 ლარიდან იწყება რინოპლასტიკის ფასები.

  25. მარია პასუხი

    გამარჯობა თინი..მეც ვაპირებ გაკეთებას თებერვლისკენ..ოღონდ ჩემთან კარგი სამუშაოა..ჯერ სუნთქვა მაქვს მოსაწესრიგებელი და შემდეგ უკვე პლასტიკა..მე მინდა რომ ორივე ერთად გავიკეთო რადგან ორ ნარკოზს ნამდვილად ვერ გავუძლებ ვიცი : ( არადა მეუბნებიან ყველაფრის ერთად გაკეთება არაა მიზანშეწონილიო : ( ძალიან ვღელავ..თავიდან ციციშვილს ვფიქრობდი,მერე კალანტაროვს ახლა ოდიშვილს..ყველა აქებს მათ მაგრამ მაინც ვისთან მივიდე აღარ ვიცი..როგორჩ ვიცი ოდიშვილთან 3000მდე ჯდება ხომ???…ნეტა არ წამეკითხა შენი განცდები…ეხლა უფრო ავღელდი და მეშინია.. :: ((( ეხლა როგორ გაქვს ცხვირი???

Leave a Reply

Your email address will not be published. Please enter your name, email and a comment.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>