New Season, New Experience

გუშინ ნიჭიერის მეორე სეზონის ქასთინგების ჩაწერა დაიწყო. მე, ამ წელსაც ბლოგერის რანგში ვიღწვი. ჯერ მხოლოდ მეორე დღეა ფილარმონიაში მთელ დღეს ვატარებ, მაგრამ უკვე ძალიან ბევრი ემოცია დამიგროვდა.

პირველ რიგში, სანამ ახალ ჟიურიზე და კონკურსანტებზე გაგიზიარებთ შთაბეჭდილებებს…შარშან მოწვეული ბლოგერის რანგში ვიყავი და ამიტომ გვიან შევუერთდი პროექტს და ფაქტობრივად ნახევარფინალების  დროს მომიწია შიდა სამზარეულოს “გაცნობა”. ანუ უკვე იმ ეტაპზე,როდესაც ყველაფერი ასე თუ ისე მზად არის. ახლა კიდევ, თვალწინ იქმნება ის, რასაც ცოტა ხანში მაყურებელი ნახავს და  სულ სხვა გამოცდილებაა.  თან მე საერთოდ ჩვევა მაქვს, რომ  ჟიურის უნდა დავასწრო შეფასება და ახლა, როცა ჩემს შეფასებებს პირდაპირ ეთერში  მსმენელები რომ ყავს- დოდკა და გიორგი, განსაკუთრებით ხალისით ვასრულებ ხოლმე ამ საქმეს :D

სხვათაშორის, ჟიურის და ჩემი აზრი უმეტეს შემთხვევაში აბსოლუტური სიზუსტით ემთხვევა -_-
ხო, ბარემ მივუახლოვდი  და – გვყავს ორი ახალი წევრი ჟიურიში: სოფო ნიჟარაძე და ვანო ჯავახიშვილი. თავიდან რომ გავიგე, რეაქცია დიდად ვერ გამოვხატე იმიტომ, რომ პროგნოზები და ვარაუდები საერთოდ არ მქონდა. ჩემი დასკვნები იყო ასეთი-  ვანო ჯავახიშვილი არის ადამიანი, რომელიც ლამის მთელი ცხოვრებაა იუმორის სფეროში მოღვაწეობს, იუმორის სწორად წარმართვა კი  ძალიან ძნელია და როცა ამდენი წელია არ ბეზრდები ხალხს, ესე იგი ყველაფერი რიგზეა. თან ვიფიქრე, რომ მეტ ხალისს შემატებდა ყველაფერს, გარდა იმისა, რომ სწორ შეფასებებს გააკეთებდა.

რაც შეეხება, სოფო ნიჟარაძეს, ვინაიდან მისი სიმღერის გარდა არაფერი მსმენია მის შესახებ, მარტო იმით შემოვიფარგლებოდი ,რომ “ცუდი რომ იყოს არ დასვამდნენ ჟიურიში”.

როცა გუშინ ჩაწერა დაიწყო, პირველივე წუთებზე მივხვდი, რომ წელს ჟიური ათჯერ და ასჯერ უკეთესია, ვიდრე შარშან.  გეგა ყველამ ვიცით, თავის ჩვეულ სტილს არ ღალატობს, მაქსიმალურად მკაცრად აფასებს მონაწილეებს და სიმკაცრე და ობიექტურობა ხელს არ უშლის მის შემთხვევაში ერთმანეთს.

სოფო ძალიან ნერვიულობდა ჩაწერის დაწყებამდე, მაგრამ არაფერი აქვს სანერვიულო. ისეთი კარგი მანერები აქვს, ისეთი კარგი საყურებელია და ისეთი კარგი შეფასებები, რომ ზუსტად ვიცი ძალიან ბევრს შეუყვარდება ნიჭიერის შემდეგ:)))


რაც შეეხება ვანოს, როგორც იტყვიან ერთი ერთში ვსვამთ შეფასებებს :D  ამას +  კარგად იყენებს თავის იუმორს.

კონკურსანტებში რამდენიმე ფავორიტი უკვე მყავს გამორჩეული და  ჩაწერების დასრულებამდე კიდე ბევრს აღმოვაჩენ. ის ფაქტი ძალიან მახარებს, რომ ნიჭიერს ნამდვილად არ ემუქრება  საფრთხე, რაც ბევრ პროექტს დაემართა, რომ მაყურებლისთვის მოსაწყენი გახდა.  დარბაზიც (მაყურებელი) მეტად აქტიურია იმიტომ, რომ უკვე იციან შოუს არსი, ჟიურიც იდეალურია, კონკურსანტებმაც მეტნაკლებად იციან რა მიმართულებით უნდა იარონ, რომ ჟიურის გული მოიგონ :))

წავედი ახლა, დავიძინო, რომ ხვალ ახალი ენერგიით დავესწრო ქასთინგს, თორემ ისე ვიღლები ემოციებისგან, სახლში რომ მოვდივარ ჭამა და ბალიში სინქრონულად არის  პროგრამაში.

რამდენიმე დღეში მე და დოდკა ვიდეო პოსტს შემოგთავაზებთ  კულისებიდან ექსკლუზიური კადრებით, არ გადართოთ! :D

14,811 thoughts on “New Season, New Experience”

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>