მაშინაც, როცა არაფერი გაქვს საწერი

ბოლო აღმოჩენები:

თათუკამ ახალი ავადმყოფობა გამომიჩინა- looklet.com

შეგიძლია ჩააცვა მოდელებს შენი გემოვნებით.. და როგორც კი დალინკა FB-ზე, მაშინვე მივხვდი, რომ “მაუსის შედგმისთანავე” იქ დავრჩებოდი სამარადისოდ :D ამ დროისთვის 4 მოდელი გავამზადე უკვე:

მინდა მინდა მინდა ყველაფერი :Dამაზე სვითის პოსტი გამახსენდა,კოლექცია  ბლოგერებისთვის

ჩემი ასე გამოიყურებოდა:

<3

მეორე აღმოჩენა:

facebook-ის ჩატის list-ები. მე ხომ აზრად არ მომდის ხოლმე, რომ საკუთარი კომფორტისთვის რამე მოვიმოქმედო, მაგრამ ვითარებამ მაიძულა ბოლოს და აღარ დავიზარე ჩატ ლისტების გაკეთება. ბლოგერები, რუსთავი2, ამფეტამინი.. დასამატებელი მაქვს რამდენიმე ლისტი კიდევ. თუ ბლოგერებთან ლაპარაკი არ გინდა (:D), შეგიძლია გამორთო მათი განყოფილება, თუ სხვა მეგობრებთან არ გინდა- შეგიძლია ისინი გააქრო და ა.შ.  :D ამფეტამინს რაც შეეხება, ის განსაკუთრებული ლისტია და მხოლოდ ერთი  წევრისგან შედგება.. და იმედია ავატარი და სახელი-გვარი კარგად მივმალე პაინტის მიღმა :O ჯერჯერობით ჩემს თავსაც კი არ ვუმხელ, რომ ის ამფეტამინია! :D

მესამე აღმოჩენა:

საოცრად გამომდის ავატარების ხატვა :O

მეოთხე აღმოჩენა:

საშინელებაა ბავშვის სკოლაში წაყვანა თოვლის დროს..და ამ ყველაფერს დამატებული “დური კეთილშობილება”, რომელიც გაიძულებს მეორე დაც გაასეირნო- გადიხარ 4-ჯერ მეტ მანძილს, ვიდრე უნდა გაგევლო იმიტომ, რომ ყველა ფეხის ნაბიჯზე ხელიდან გისხლტებიან, რომ თოვლში ხელ-ფეხი წაყონ და გუნდები გესროლონ :|

მაგრამ ამისთვის ღირდა:

მეხუთე აღმოჩენა:

გენიალური ვიდეო, ინტერნეტ ნიჭიერისთვის გადაღებული:

და მეექვსე:

მსიამოვნებს სიტყვა “ხლიწ”-ის წარმოთქმა. გუშინ ფრაიმ დაპოსტა ფორუმზე, “ხლიწა”-ო და იმის მერე ასჯერ გავიმეორე :ხლიწ,ხლიწ, ხლიწ,ხლიწ.. .. აი ისეთი სიტყვაა, რომ გინდება თქვა:D

დილემა- მინი პოსტებში გავუშვა, თუ მთავარ გვერდზე? :D მთავარზე გავუშვებ, დაე ყველამ გაიგოს, როგორ/რაებს ვწერ, როცა თავი მტკივა (ნეტა რამდენმა გაიფიქრა ახლა, შენ უაზრო იყო, თავის ტკივილს რას აბრალებო :O ) :D

ეჰ :|

avatar

\

რაც სახლში მოვედი (აგერ უკვე 4-5 საათია ), მას შემდეგ გახსნილი მაქვს new post-ის ფანჯარა, მაგრამ ვერ ვიწყებ წერას. იმდენი ემოცია მაქვს მოზღვავებული ერთად, აღარ ვიცი საიდან დავიწყო..

თავიდან დავიწყებ (რა ლოგიკურია)

ჟანრი: ფანტასტიკა, სათავგადასავლო, ტრილერი, მძაფრ-სიუჟეტიანი- სულ თითზე ჩამოსათვლელი ფილმებია, რაც ამ ჟანრში ნანახი მაქვს და დიდად არ მომწონს, ჩემი რომანტიკები მირჩევნია, მაგრამ რეკლამა რას არ იზამსო ნათქვამია. “3D, მსოფლიოს ისტორიაში შემოსავლით #1 ფილმი”… მოკლედ, ყველამ იცის ალბათ ავატარის დამსახურებები. ისე მე ცოტა გარე სამყაროს მოწყვეტილი ვარ ხოლმე და ფეისბუქზე რომ “ავატარული ავატარების” დაყენება დაიწყეს, თავიდან ვერ მივხვდი რა ხდებოდა:D ნუ, თავისთავად გავიგე მალევე, გამოვძვერი ჩემი სტაბილური ჭურიდან. მერე რ2-ში, ნიჭიერის ოფისში ეს კალენდარიც ვიხილე:

მერე შედგა პრემიერა ამირანში, აჭრელდა ინტერნეტში ყველაფერი და ნელ-ნელა (ნელ-ნელა რა, ერთი დღე დამჭირდა სულ გადაწყვეტილებისთვის) დავრწმუნდი, რომ ეს უნდა მენახა!

მაგრამ რიგებზე რა ამბავი იყო, თქვენც მოგეხსენებათ. 90-იანების პურის რიგებს ადარებდნენ. მე კიდევ რიგში დგომას ვერ გადავიტანდი. სუსტი ნერვები მაქვს და ქართულ რიგებს ვერ ვიტან- ყველა შენს უკან მდგომი ნელ-ნელა “შენს გვერდით და  ოდნავ წინ” ინაცვლებს :D

ვილოდე, ვილოდე და გუშინ გავაღწიე ამირანამდე. ავიღე ბილეთები და  რომ დავიგულე ჩემს ხელთ, დამეწყო მოუთმენლობა, ერთი სული მქონდა როდის მოვიდოდა “ხვალ”. მივედი როგორც იქნა, რომ მივლაგ-მოვლაგდი, სკამზე მოვკალათდი და სათვალე გავიკეთე, იმ მომენტიდან ამ წუთამდე მოზღვავებული ემოციებიდან ვერ გამოვდივარ :D

შინაარსი ალბათ უმეტესობამ უკვე იცით ვინც ნახეთ, ვინც არ ნახეთ ლანდიშას პოსტი ნახეთ, ამომწურავად უწერია და რომ წავიკითხე ვეღარ მოვიფიქრე რა უნდა დამემატებინა ან ახალი რა უნდა მეთქვა და ვრცელ პოსტზე აღარც მიფიქრია.

ულამაზესი ფილმი იყო!საუნდტრეკებიც ძალიან მაგარი აქვს, შინაარსიც (თავის ცოტაოდენი რომანტიკებითაც)დამიჯერეთ,  ნაკლს ვერ უპოვნით ვერც ერთ ასპექტში ფილმს! 2.45 წუთი ისე გავიდა, რომ ვერც გავიგე და საერთოდაც, კიდევ დიდხანს დავტკბებოდი პანდორას ყურებით :|  კიდევ ერთხელ ვნახავ  აუცილებლად, სანამ შეწყდება სეანსები იქამდე..ისეთი მაგარი იყო, ვინც ნახა გამოცდიდა- დიდი ხანი გჭირდება დამთავრების მერე აზრზე მოსასვლელად და შეიძლება ნერვები მოგეშალოს, რომ სათანადოდ ვერ გამოხატავ იმ ემოციებს, რაც გაქვს (ახლა მასე ვარ მაგალითად, რამისაა მივშალო მთელი პოსტი იმიტომ, რომ ვერ გამომხატავს ვერანაირად და რაც არ უნდა ემოციურად დავწერო, ცივი მეჩვენება იმასთან შედარებით, რაც სინამდვილეშია :D )

გუშინ 2კიჯამ ფბ-ზე დაწერა:

ვატარი ავატარი ავატარი ავატარი :დდ გავარტყი ფილმს რომელიც 4 მილიარდს მოეწონება! პროტესტის ნიშნად არ ვუყურებ არასდროს!!!

არც იფიქროთ ასე მსჯელობა რომელიმემ, თორემ დაგჩაგრავთ! :D

განვედ ახლა მე, სიცხიანი და გაციებული ვარ და გრძელ პოსტს ვერ ვწერ, ენერგიებს ვზოგავ- ხვალ ჩემი პოსტი უნდა დაიდოს ნიჭიერის ბლოგზე და.. : ))

P.S. I See you..

<3