რაღაცნაირი ბლოგი

მჭირდება ასეთი!

ზამთრის დადგომას მაშინ ვგრძნობ, როცა მაუსზე და კლავიატურაზე ხელი მიმეყინება ხოლმე, განსაკუთრებით მარჯვენა ხელი მეყინება.. და კიდევ მაშინ, როცა ფანჯარას გამოვაღებ ჰაერის ჩასუნთქვის მიზნით და ცხვირთ დამწვარი საბურავების არომატი შემრჩება ხოლმე..

ორ დღეში ჩემი არატკბილი ნოემბერი დამთავრდება- საყვარელი თვეა ჩემი. ზამთარი იწყება,რომელსაც პატარაობაში ვერ ვიტანდი, ისევე, როგორც წვიმას, ქარს და ა.შ. პატარას ძალიან მძიმედ მეჩვენებოდა რომელიმე მათგანის გამკლავება.

წვიმისგან დასველება კატასტროფად მეჩვენებოდა, ქარიც უფრო ადვილად მაფრიალებდა და თოვლი კიდევ მარტო საყურებლად მომწონდა, ამ მხრივ არ შეცვლილა არაფერი- ისევ საყურებლად მომწონს. ალბათ იმიტომ, რომ ყველა გუნდაობისას ყველაზე მეტი მე მხვდებოდა :D ძალიან უძლური ვარ მსგავს საკითხებში.. სახლში თოვლით კისერ გავსებული ამოვბანცალდებოდი, გაყინული ცხვირით და ყურებით [ქუდებს ვერ ვიტან] და მერე დედა მიტარებდა გათბობით პროცედურებს. ამიტომაც, თითო სეზონზე თითოჯერ თუ მიგუნდავია. რაც გავიზარდე კიდევ საერთოდ, არასოდეს არ მესმის რატომ უნდა იგუნდაო :D არადა თოვლიანობისას სახლიდან გამოსვლისას   ვერ გაივლი ეზოს,  სადარბაზოდან ფეხს რომ გამოვდგამ, ერთი ათი გუნდა მხვდება ხოლმე და თითოეული მათგანი გამსჭვალულია მოგუნდავეების იმედით, რომ მე როგორმე ამიყოლიებენ..

მოკლედ, ზამთარი მოდის..რუსთაველზე დაკიდებული გრანდიოზული ჭაღები მაინც მიგანიშნებენ მაგაზე, კალენდარი რომ არ გქონდეს. შარშანდელი მორთულობა როგორ მომწონდა და ეს ჭაღები არ მომწონს. სამაგიეროდ ზოგადად, ლამაზია მაინც დანარჩენი ყველაფერი. ოღონდ იმაზე ვოცნებობ, რომ აინთება, შემთხვევით ყვითელი და ლურჯი ნათურები არ იყოს! საახალწლო მორთულობაში ვერცხლისფერის მეტს ვერ ვიტან, არ მომწონს და რა ვქნა..

ზამთარი მოდის და დიდი იმედი მაქვს ოდნავ თბილი, ოღონდ არც ისე, რომ აშკარად ჩანდეს როგორ შეიცვალა კლიმატი დედამიწაზე და ისედაც შიშებიანს, უფრო არ დამემატოს :D მინდა ყინვიანი ზამთარი, უქარო და უთოვლო ახალ წლამდე. ახალ წელს, 31-ში თოვლი- იმიტომ, რომ უხდება.. ცოტა ხანი იდოს, ოღონდ ისე აღიგავოს მიწისაგან პირისა, რომ ჭყაპი არ დატოვოს  :D ჰოჰ, რამდენი ვიოცნებე ორიოდ წინადადებაში..

მიუხედავად იმისა, რომ მთელი ზამთარი ცხვირგაყინულს მომიწევს დილის 9 საათზე ავტობუსებს გაჩერებაზე დგომა, მერვე-უნივერსიტეტის ყველაზე ცივი კორპუსის კედლებში ლექციებზე საათობით ჯდომა და საჯაროს დანახვაზე გახარება- თბილა ხოლმე, სახლში მოსვლისას სიცივიდან სიცხეში შემოსვლისას მთლიანად აწითლება და გამათბობელზე აკვრა, მაინც მიხარია წელს ზამთარი.

წელს ყველაფერი მიხარია, მიზეზით- ცოცხალი ვარ :D

18 Responses to “ზამთრის მოტივებზე..”